黑妹李麗霞韋綺姍薪火相傳率學生演出吉吉啟豪深明癌症之苦義唱助人 - 晴報

李麗霞（黑妹）、韋綺姍及彭家麗本月30日將率領一眾《中年好聲音》周吉佩、龍婷、羅啟豪、顏志恒等，假香港文化中心音樂廳舉行《星濟好聲音慈善音樂會》為兒童癌病基金會籌款，意義重大。發起人黑妹是肺癌康復者，戰勝病魔的她真切希望罹癌兒童能夠康復，健康快樂成長，故黑妹決定集合演藝人力量，用歌聲發放正能量，亦感激各單位無私奉獻出心出力參與。

黑妹、韋綺姍、羅啟豪和周吉佩落力為音樂會宣傳，四人一碰頭笑聲不斷，似乎過程中合作我非常開心。黑妹說：「我自己曾經有癌病，加上其實媽媽十幾年前未離開我之前，佢哋都有呢個習慣，每年搞粵劇演出幫慈善機構籌款，我秉承佢嘅意願繼續做落去，演出門票收入一蚊都唔會扣除，全數捐去兒童癌病基金。小朋友唔知咩係癌症，辛苦嘅亦係屋企人，當年我有病，最辛苦就係我個女，呢個感受我哋絕對明白。」她表示成功申請場地後，肥媽就建議搵《中年好聲音》合作，所有單位都二話不說答應義演，至於韋綺姍更主動自薦為表演所需的音樂重新打造，令黑妹大感窩心。「朋友們自己捐錢支持今次製作費，大家為慈善都出心出力，明白香港人今年經濟情況都唔容易，但都好落力捐錢助人，真係非常感動。」

{{hket:inline-image name="bbfb2bf0-3c25-465a-b298-2de06f41453c.jpg"}}{{/hket:inline-image}}

為兒童癌病基金會籌款丨黑妹率領《中年好聲音》開慈善騷彭家麗將攜弟弟彭皓鋒合唱【下一頁[1]】

幾位率先透露音樂會的細節，黑妹指最期待係三位男士跳舞，大家都對羅啟豪跳舞充滿期待，啟豪說：「之前跳《疾風》舞步唔係好勁啫，今次跳舞會再勁啲，我好有信心，你睇我對眼咁細都有火！」而黑妹和韋綺姍都會帶同自己的音樂學生上台演出，音樂會幾十首歌曲都是由黑妹挑選，全部都是以愛為主要訊息，而周吉佩預告他跟顏志恒將會夥拍老師韋綺姍挑戰快歌，韋綺姍憶起跟吉吉不打不相識，在《中年好聲音》分組賽中，吉吉特別有己見，作為歌唱老師很難一言兩語就改變他的想法，「夾硬改佢風格會令佢好唔舒服，因為佢哋比賽博鬥緊，未必會睇到自己問題。」吉吉笑認不聽「老師」言，吃虧在眼前，在該回合分數滑鐵盧，更被肥媽狠批。

{{hket:inline-image name="z.jpg"}}{{/hket:inline-image}}{{hket:inline-image name="DSC06129.jpg"}}{{/hket:inline-image}}{{hket:inline-image name="DSC06137.jpg"}}{{/hket:inline-image}}{{hket:inline-image name="DSC06154.jpg"}}{{/hket:inline-image}}{{hket:inline-image name="DSC06150.jpg"}}{{/hket:inline-image}}{{hket:inline-image name="DSC06147.jpg"}}{{/hket:inline-image}}{{hket:inline-image name="DSC06181.jpg"}}{{/hket:inline-image}}{{hket:inline-image name="6ee05a8a-b8ec-4d46-b9c5-5a89ef0053cb.jpg"}}{{/hket:inline-image}}{{hket:inline-image name="2f920de2-ffa9-49e8-afc2-d9a0fc22ba3d.jpg"}}{{/hket:inline-image}}

提到黑妹的女兒蔡穎秋在《中年好聲音》慘遭淘汰，為何今次仍然找「仇家」合作？吉吉搞笑澄清：「穎秋唔係我哋打敗呀！係顏志恒同佢兩個人對戰PK賽！」竟然將隻鑊拋畀好兄弟？黑妹笑言：「有次見到顏志恒同我講：『Auntie你唔好嬲喎！』我聽到一頭霧水，其實佢輸咪當拎經驗囉，呢個係遊戲規則，出嚟玩就要預得要輸！而家我唔教佢呀喇，佢過咗檔搵韋綺姍教佢唱歌，講真佢咁大個女又唔係要紅，只係為咗圓夢，開心就得啦！」

{{hket:inline-image name="ee9c1241-e90e-4435-aeea-cb97a707e00b.jpg"}}{{/hket:inline-image}}

{{hket:inline-image name="1eadc5ef-8c62-42d2-b5d1-303b299bea42.jpg"}}{{/hket:inline-image}}

{{hket:inline-image name="c71c3e76-8e36-4b71-a100-7d4f2e6a83bd.jpg"}}{{/hket:inline-image}}

【曾切肺保命】黑妹頸骨出事再入醫院嚇窒朋友被多病折騰承諾為孫仔硬淨撐住【下一頁[2]】

吉吉表示自己歌唱生涯十幾年來經歷好多高低起跌，直至在《中年好聲音》奪冠，能夠重拾全職歌手的身分，得到很多演出機會，令他非常感恩，「其實真係多謝上天畀機會我，亦有好多人畀機會我，所以今次慈善演出，絕對係要回饋番社會，特別係爸爸之前都患過癌病，自己特別有感受，所以黑妹姐邀請，唔使講其他嘢，隨便差遣我啦！」

{{hket:inline-image name="x.jpg"}}{{/hket:inline-image}}{{hket:inline-image name="DSC06158.jpg"}}{{/hket:inline-image}}{{hket:inline-image name="DSC06169.jpg"}}{{/hket:inline-image}}{{hket:inline-image name="DSC06170.jpg"}}{{/hket:inline-image}}{{hket:inline-image name="DSC06164.jpg"}}{{/hket:inline-image}}{{hket:inline-image name="DSC06185.jpg"}}{{/hket:inline-image}}{{hket:inline-image name="DSC06196.jpg"}}{{/hket:inline-image}}{{hket:inline-image name="DSC06206.jpg"}}{{/hket:inline-image}}{{hket:inline-image name="DSC06194.jpg"}}{{/hket:inline-image}}{{hket:inline-image name="DSC06200.jpg"}}{{/hket:inline-image}}{{hket:inline-image name="DSC06208.jpg"}}{{/hket:inline-image}}

啟豪一向獲得大批「豪殼」（羅啟豪粉絲專稱）支持，今次「豪殼」都早已掃飛支持，他說：「我班粉絲真係好錫我，我每個騷，就算只係唱半首歌，佢哋都一定會嚟支持，不過放心，今次點都會多過一隻歌，而且仲同好多前輩合作。今次我知大家都想睇我跳舞，我一定會跳得好好畀大家睇，報答佢哋無私嘅支持。」啟豪的媽媽去年剛醫好鼻咽癌，全家人都感受良多，今次媽媽都一定會捧場支持，也為兒童癌病基金出一份力。

《星濟好聲音慈善音樂會》

舉行日期及時間：2023 年 10 月 30 日（星期一）晚上 8：00
舉行地點：香港文化中心音樂廳
票價：$880 / $680 / $480 / $280
出席歌手：黑妹李麗霞（黑金）、韋綺姍、彭家麗《中年好聲音》選手：周吉佩、龍婷、羅啟豪、顏志恒、蔡穎秋、劉智衞
主辦機構：星濟義工團
受惠機構：兒童癌病基金會

立刻加入《晴報》WhatsApp頻道，獲取最新娛樂、健康及著數資訊，仲有送禮活動！
【https://bit.ly/3RnCHkV[3]】

U Lifestyle App睇盡《晴報》新聞資訊及自家節目 ↓
↓↓同步更新、更快更順↓↓
【免費下載[4]】

攝影：何家賢
撰文：楊安莉