不正常愛情研究所丨文頌男捱五次化療腫瘤反變大痛楚難受:我好唔想離開你哋 - 港生活
同場加映:金像獎提名女主角│衛詩雅曾被嫌棄冇人氣失機會 零收入與陳家樂互相借錢度日
文頌男今日在社交平台分享在醫院的照片,已剃光頭的他身形明顯消瘦,相當憔悴面色較差,他撰長文分享自己的心路歷程,可惜的是他接受完第一階段的治療,五次化療之後,醫生宣告治療無效,照過磁力共振,發現腫瘤不單止沒有縮小,反而轉大,他一字一句表達自己難免會灰心失意,令網友大感心痛。內容如下:
文頌男「最後復工」做下把留遺憾 患罕見癌症經歷化療感覺接近死亡[1]
經歷咗第一階段嘅治療,做咗五次嘅化療,但係治療無效。照咗磁力共振,發現個腫瘤唔單止冇縮細,仲變大咗少少。喺呢個時間點,我想分享少少自己嘅真實想法同感受。
做咗五次化療,每一次都好似經歷生死,肉體上好難受好辛苦,而且所有毛髮都甩晒,個樣好似妖怪咁,到後期仲開始痛返。我真係覺得好無奈,好似咁辛苦但係完全冇意義。另一方面,到真正聽到醫生話:「個治療冇乜效果、個腫瘤仲要大咗少少,最後一次化療都唔好做喇,準備做電療啦。」嘅時候,我心情喺嗰刻好似跌咗落深淵。同時,我真係好驚,感覺距離死亡又近咗一步,而且可能唔係死咁簡單,係會死得好痛苦,因為我嘅下肢 、盤骨附近嘅位置係越嚟越痛,痛到開始連嗎啡都冇辦法舒緩到,身體仲會不自覺抽搐,有啲身體部位已經變得麻木,排泄方面都開始出現好多問題(呢部分太羞恥都唔想講太多),我開始有種感覺係「我活得好冇尊嚴」,因為行動不便、痛,每日都係喺屋企對住四埲牆,幾乎零社交、零工作,每日都活得好似好無意義咁。我成日都好驚,我真係好驚,好驚,好驚可能臨死前會半身不遂、全身插滿喉管、無時無刻都伴隨住巨大嘅痛楚、意識唔清醒又表達唔到自己。
捱咗咁耐、咁辛苦、無一刻可以放鬆,有時唔知為咗乜嘢。我咁大個人,都未活得輕鬆過。由細到大都遇到唔同難關同挑戰,就算每次嘅挑戰都越嚟越困難,但我都靠自己一一跨越過,但個天就好似好想我死咁,唔肯放過我,唔想畀我輕鬆。喺我以為終於生活可以穩定啲嘅時候,又畀咗呢一個難關我,而今次我覺得我真係控制唔到,冇辦法靠自己去解決。就算我想放棄,但其實根本唔知可以點放棄。我未死嘅話,我只能夠選擇堅持。依家我每日都痛、非常痛,無一刻唔痛,每日度日如年,我唔知幾時可以開始電療、幾時先可以舒緩到我嘅痛楚,我只係盼望可以快啲唔痛。
我諗好多癌症病人即使表現得有幾堅強、幾樂觀都好,都會有我以上類似嘅諗法。但會咁樣諗唔代表我放棄,我仍然好努力對抗呢個病,即使幾唔想食嘢,都逼自己食;即使幾痛都好,都逼自己要郁吓,唔好畀啲肌肉退化得咁勁。呢段時間雖然我喊好多,但喺可以笑嘅時候,我放聲笑;想講咩嘅時候,盡情去講,唔會再收收埋埋,因為有啲嘢,依家唔做,以後唔知仲有冇機會做,唔諗咁多未來,活在當下,享受依家仲有嘅嘢。
我仍然好熱愛我嘅拍攝、演出工作。好希望有一日可以康復、行動自如,可以繼續返呢啲工作。亦都好想繼續可以留喺我愛嘅人身邊、我嘅朋友、家人。我多謝我嘅家人、朋友、我最愛嘅好兄弟、老闆、同事同喺網絡上唔認識但默默打氣嘅所有人,你哋一直支持我、照顧我、體諒我。我愛你哋,我好唔想離開你哋。
網友們紛紛留言為文頌男送上打氣的說話,「你已經好努力,希望你可以好起來」、「唔好放棄,苦盡甘來」、「祝福您早日康復。保持愉快的心情,克服困難。」、「加油啊!看到真係好難過」等等。
References
文頌男「最後復工」做下把留遺憾 患罕見癌症經歷化療感覺接近死亡 (hk.ulifestyle.com.hk)凡士林 真是太 居家手機 新聞 意義活血化瘀 體質 LINE TODAY 筋骨 痠痛 功效 攻劑
湖北省發布最新腫瘤登記數據肺癌發病率和死亡率居榜首-新華網
4月13日,2024年“323”攻堅行動腫瘤防治工作會議暨湖北省第30屆全國腫瘤防治宣傳周啟動儀式在武漢舉行,會上發布了湖北省最...
臺大團隊突破技術瓶頸:即時監測腫瘤細胞DNA修復活性開創精準醫療新紀元
臺灣大學生化科學研究所和臺大醫院的研究團隊,成功研發以腺病毒為載體的螢光檢測技術,能高度精確地測定腫瘤細胞的DNA修復...
為了迎合新時代市民的各種房屋需要,香港引進主打「租住概念」及Community社群生...
住宅租賃品牌「TOWNPLACE本舍」為新地旗下品牌,今年TOWNPLACEWESTKOWLOON項目於10月落地西九,位於西南九龍荔盈街10號,總...
屁股垂又扁要小心!醫示警「害2部位痛爆」:骨盆也歪斜|生活|三立新聞網SETN.COM
此外,黃軒示警,較高的腰臀比可能反映出過多的腹部脂肪堆積,而其與心血管疾病、糖尿病與高血糖等健康問題的風險增加有關。...
秋冬皮蛇易上身!醫示警:6類人要注意嚴重恐失明|生活-Newtalk新聞
奇美醫院家醫部主治醫師李茂庭表示,秋冬是帶狀疱疹好發期!他表示有6類人是帶狀疱疹帶的高風險族群,提醒民眾注意保持健康...