80歲葉振棠患眼疾近70年只餘一成視力未怨天尤人
發高燒視力眼科醫生視覺眼疾神經細胞葉振棠怨天尤人 文章 參考資訊
現年80歲的殿堂級歌手葉振棠(棠哥),將於下月23日舉行其首個紅館騷《葉振棠80告別樂壇演唱會》。他近日接受商台《星光背後》訪問時,除了透露曾申請8次紅館檔期不獲批,更坦言眼疾影響了其大半生,以及曾赴加國遍尋名醫無效亦不曾心灰的心路歷程。
棠哥在澳門出生,患上眼疾近70年,現時只餘下正常人一成視力。他回憶讀小四時患上眼疾的原因︰「當年因為媽咪冇依家呢代媽咪咁醒,以為細路仔發燒好閒,唔知我嗰次發燒係大病,原來係傷寒同猩紅熱兩種大病一齊夾擊,發覺得遲就燒壞咗啲神經。小四嗰陣病,瞓咗兩個月病牀再返學,慢慢睇黑板開始矇,到小六以為係近視,但配眼鏡都唔得,最後睇眼科,醫生話我視覺神經細胞因為發高燒壞死咗。年輕時,視力唔係依家咁差,讀中學仲睇到金庸武俠小說,但依家就一定要靠放大鏡先睇到!」隨着年紀漸大,棠哥視力不斷轉差:「依家我去做檢查,驗眼師話我視力得番正常人十分之一,不過我習慣咗!」
棠哥在1980年代成名後,曾遍尋名醫希望把眼晴問題醫好。他更一度遠赴加拿大求醫︰「嗰時搵到錢到加拿大登台,喺當地睇過幾個眼科醫生,佢地都話無辦法,話我視覺神經細胞已經死咗,唔會再生,冇得搞。我曾擔心連僅餘視力都冇埋,但都冇辦法,都要努力活下去。我依家盡量唔睇書,盡量唔好睇太嘥神嘅嘢。」
面對眼疾近70年,棠哥從沒怨天尤人︰「我都冇怨過我媽咪,其實係唔關佢事,呢個可能係命運!」他透露早在讀書時期已很喜歡唱歌,中學時曾與同學組成樂團,負責彈低音結他。棠哥回憶當初從澳門來港時沒想過要唱歌,只想找一份寫字樓工作。他說︰「不過,我因為視力唔好,好多嘢都做唔到。我仲試過考警察,但都過唔到視力嗰關。出道近60年,我最大收穫係有一班樂迷同好友一直支持自己。」
(即時娛樂)
標靶用藥 乳癌 衛生署口腔植牙 牙齒美白 牙齦團隊 頂級 牙科
全球近視人口台灣第一!醫示警600度以上:「罹1眼疾」風險暴增845倍
視力模糊或失去中央視力,對閱讀、開車或認人產生影響;「青光眼」,罹患此疾病神經會逐漸損壞、周邊視野受損,若不加以控制...
番茄紅了醫生的臉就綠了!抗老、防癌...5功效益健康烹飪加上「這個」茄紅素多更多
茄紅素[1](Lycopene)屬於一種植物特有的植化素,是類胡蘿蔔素的一員,普遍存在於番茄、西瓜、紅心芭樂、紅色葡萄柚、石榴...
患子宮頸癌難有下一代?醫生拆解4大症狀1種療法準確率達95%可保生育能力-CCUE.ca
子宮頸癌佔香港女性常見十大癌症前列,成因與是HPV病毒有關,當中90%的子宮頸癌是因為持續感染高危型HPV。在十多種高危HPV中...
貴州95後女一覺醒來竟「右眼失明」!醫生:錯過黃金時間無法恢復
貴州一95後人妻一覺醒來右眼竟失明,她在休息了一下後才就醫,可惜醫生判定已錯過最佳治療時機且無法恢復視力。示意圖。設計...
長期疼痛影響身心健康久痛必須正視-張志偉醫生-杏林手記
2024年4月26日張志偉醫生[1]杏林手記[2]放大圖片/顯示原圖[3][4]腰背痛、肩頸痛和頭痛等是都市人常見痛症。很多人會用不同方...