抗癌勇士丨文頌男入住公院5日感覺如坐監Koba無奈終明白:冇錢就等死囉
抗癌感覺勇士去年愛情明白研究所公院Koba坐監 文章 參考資訊
曾主持J2節目《不正常愛情研究所》的文頌男(Koba)在去年12月自揭有大概6×6×4cm的惡性腫瘤在椎間近盤骨附近位置,屬罕見病症,於是停工休養對抗病魔。
一直樂觀抗癌魔的文頌男在周日(6月16日)於社交平台表示,因不停標冷汗及肌肉痛於是叫救護車入院。在昨日(6月21日),他在個人社交平台上載一張照片,相中的他已長回頭髮,並寫發長文表示已出院,可是指在公院5天遇不快事件。
抗癌勇士丨文頌男不停標冷汗肌肉痛入院 受盡病魔折磨不氣餒:我會繼續努力[1]
▲ 文頌男留院5日後出院,並寫長文講在公院的經歷。
感覺如同坐監
文頌男無奈指,就算痛到叫救命也沒人能幫忙,指護士只會開止痛藥,但經常收到答覆是等待派藥時間,稱:「劇痛嘅時候,搵到一個唯一應該能夠幫到你嘅人,然後佢叫你等多半個鐘,我仲要劇痛多一排,你諗下你係咩感受?仲要食完藥之後,我起碼要等多個半鐘之後啲藥先開始發揮作用。」
他表示,幸有帶止痛藥入院,再瑟縮個半小時才紓緩痛楚,不如留在家中,反而睡得更舒服。
文頌男又指,在公院想到樓下散步被拒絕,試過哀求負責護士終獲答應讓他散步15分鐘,卻被保安送返病房,結果不能外出,形容「我就好似坐監咁,淨係可以喺間房入面瞓。其實我都係想等對腳可以活動下啫,唔使好似坐監咁呀嘛」。
▲ 文頌男因不停標冷汗及肌肉痛於是叫救護車入院。
留院找不出病因
而且留院5天,院方也找不到他上右背痛、右頸痛、後腦右邊頭痛、咀嚼無力、右邊舌頭無力的原因,文頌男不滿公院不肯為他照MRI,只是隔日為他照一次X光及CT,認為這根本看不出任何異樣。
他又稱,每天期望醫生早上來講解報告,可是對方只問他:「仲痛唔痛呀」、「而家有幾痛」、「有冇入嚟嗰陣咁痛」,文頌男稱:「佢就一路隻腳向住門口行,好似好唔想答我、好趕住走咁。」
無奈理解公院人手不足
文頌男也補充表示,明白公院人手不足,但這幾天無奈地明白到何謂:「有錢就有得醫,冇錢就等死囉」。
但同時強調自己會選擇保持樂觀心態,並指;「但我唔會埋怨公立醫院,亦都感謝每一位醫護人員嘅付出。我希望公立醫院可以有改善得好嘅一日,令普通市民都可以得到最快捷最適切嘅治療,唔係個個都好似等運到咁,本身有得醫都變成冇得醫。」
最新影片推介:林子善專訪
文頌男在IG所發原文如下:
我出咗院喇…入咗公立醫院住院呢五日,簡直係惡夢。其實我一向都好唔想call白車入醫院。原因就係喺醫院入面其實係好唔舒服。首先,張床一啲都唔好瞓、隔離總會有啲阿伯全天候24小時不停呻吟、怪叫,基本上我每晚都係完全冇覺好瞓。其次,當我痛到叫救命嘅時候,其實係唔會有人即時幫到你。我叫護士嚟,基本上佢哋係幫唔到我,最多都係開啲止痛藥畀我。仲要當我要求攞藥嘅時候,佢哋會同我講:「等多半個鐘啦,一陣佢哋會派藥。」我當時心諗:「你試下你劇痛嘅時候,搵到一個唯一應該能夠幫到你嘅人,然後佢叫你等多半個鐘,我仲要劇痛多一排,你諗下你係咩感受?仲要食完藥之後,我起碼要等多個半鐘之後啲藥先開始發揮作用。」結果,好彩我自己有帶我平時食嘅藥入去,所以我拿拿臨食返我自己啲藥,有咩止痛藥都即刻啪曬,再瑟縮咗個半鐘先開始慢慢好啲。然後,其實我出現嘅所有痛症,喺住院呢幾日嘅呢段時間,佢哋都係完全冇諗過點樣去幫我舒緩痛症,食嘅藥都係我平時食開嗰啲,咁我到底入去住院係做乜嘢?我喺屋企食返平時啲藥咪得囉!屋企瞓得仲舒服!最後,基本喺入面好似冇人權咁,我想落去樓下散個步都唔畀,試過求吓個負責護士,佢話肯畀我出去散吓步15分鐘,點知落到樓下,個保安call控制室聯絡返病房,又話:「OK,文先生不能外出」,結果,我就好似坐監咁,淨係可以喺間房入面瞓。其實我都係想等對腳可以活動下啫,唔使好似坐監咁呀嘛,喺病房入面,除咗瞓同睇電話之外,都唔知做乜好……
最後我住咗五日醫院,佢哋都係搵唔到我上右背痛、右頸痛、後尾枕右邊頭痛、咀嚼無力、右邊舌頭冇力嘅原因係乜嘢,都係畀張轉介信我出去照。喺公立入面,就算我出到聲要求,佢哋都唔肯幫我照下腦、頸、胸嘅MRI(因為MRI先係真正最能夠睇到啲地方係咪有問題),每隔一日先同我照一次X光同CT,根本睇唔到任何異樣。其實點解唔一次過一日照曬,要延長我喺醫院嘅痛苦呢?每一日我就期盼住醫生朝頭早嚟同我講報告,因為醫生每一日只係會嚟見我一次,結果佢淨係會問我「仲痛唔痛呀」、「依家有幾痛」、「有冇入嚟嗰陣咁痛」,淨係講兩句,仲好似趕住走咁,要靠我不斷追問。而喺我問嘅同時,佢就一路隻腳向住門口行,好似好唔想答我、好趕住走咁。
我明白公立醫院人手不足,服務根本超出負荷。但喺公立醫院睇病嘅經歷都令我明白到一樣嘢,而呢樣嘢其實係好多人都已經講過,而我亦都親耳由啲醫護口中聽過,就係:「有錢就有得醫,冇錢就等死囉」,我第一次聽到呢啲說話嘅時候,我係已經劇痛到瞓喺病床度覆診緊,而當時我係再一次畀個醫生拖我症,我嚴重到咁嘅時候,佢仲同我講,叫我兩三個禮拜先後再返嚟覆診再睇吓,我當時係已經覺得自己冇可能撐到多過兩日,然後我聽到呢句說話嘅時候,嗰啲眼淚係不自覺流出嚟,完全停唔到。其實我唔係埋怨公立醫院,而係埋怨我自己,點解自己咁窮,如果我一早有錢可以去私家醫院治療,其實呢啲嘢就唔會發生。而我亦都可能早啲可以得到適切嘅治療,唔使因為拖症,而令到我嘅狀況嚴重咗好多。其實由我劇痛,到我入院不停做好多唔同檢查,而嗰啲檢查係不斷拖不斷拖,去到我身體出現咗好多唔同症狀,例如開始行唔到、排泄功能出現問題,先至可以做到治療。如果我一早有錢去私家醫院,結果好可能係我依家身體嘅症狀唔會去到咁嚴重。
雖然我喺公立醫院嘅經歷充滿挑戰同痛苦,但呢啲經歷令我對自身有更深刻嘅反思同領悟,我明白到即使環境艱難、有好多不公嘅事情發生喺我身上,但我選擇保持樂觀同積極面對生活。雖然喺公立醫院住院係好唔愉快嘅經歷,但我唔會埋怨公立醫院,亦都感謝每一位醫護人員嘅付出。我希望公立醫院可以有改善得好嘅一日,令普通市民都可以得到最快捷最適切嘅治療,唔係個個都好似等運到咁,本身有得醫都變成冇得醫。
HKET App已全面升級,TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m[2]
追蹤TOPick WhatsApp頻道睇最新資訊︰http://tinyurl.com/3dtnw8f5[3]
References
抗癌勇士丨文頌男不停標冷汗肌肉痛入院 受盡病魔折磨不氣餒:我會繼續努力 (topick.hket.com) https://onelink.to/f92q4m (onelink.to) http://tinyurl.com/3dtnw8f5 (tinyurl.com)醫藥話題 B型肝炎 溫馨醫藥衛生 醫藥話題 衝擊老年照護 老婦 化症
夫連喝6週才發現!妻冰沙加「超毒植物根」怒報警逮人-鏡新聞
綜合外媒報導,莎拉(SarahScheffer)在美國密蘇里州傑佛遜郡(Jefferson)一所高中擔任美術老師,16日她被丈夫指控在冰沙中...
卵巢癌死亡率增高!49歲癌婦化身倡議者籲企業助員工健檢-Newtalk新聞
花蓮慈濟醫院婦產部李佩蓁醫師說明,卵巢癌是一種隱匿性很高的癌症,初期往往沒有明顯的症狀。 圖:翻攝自花蓮慈濟臉書專...
很長感到身體疲憊又感冒?中醫養生增強免疫力的小貼士,養成這些習慣後
面對現實[1]生活中的各種繁瑣事情,包括工作[2]壓力、家庭責任和社交[3]需求,SIS們一定也有感到身心[4]俱疲的時候吧..那要...
車禍至今,已身心俱疲!(請問是否可以提供毀謗及公然侮辱?))-Mobile01
文長,盼大大們耐心看完,本人致上十二萬分謝意!因車禍至今,已身心俱疲!事情發生在去年,當時我騎車在某路要右轉而轉到一半...
完美變身|自幼肥胖被勸著衫遮肉女子重達229磅靠4招1年激減80磅變女神-晴報-健康
只要有恆心!台灣一名女子自幼便是肥胖體質,小時更會被長輩勸穿長版衣服遮肥肉,去年她的體重達到104公斤(約228.8磅),因...
港星腸癌3期斷食抗癌!口服幹細胞癌指數下降?江坤俊曝2營養素可抗癌|直腸癌|癌症...
53歲港星彭皓鋒,多出演反派角色被封為TVB「御用惡人」,2023年自曝罹患直腸癌第3期,他因腫瘤太靠近肛門怕動手術後,終生都...
花椰菜、高麗菜、蘿蔔...「這些蔬菜」切開後,不要馬上煮!切下靜置●●分鐘,更能...
photos放大顯示多吃蔬菜的好處是眾所周知的事,然而在所有蔬菜中,花椰菜受到熱烈的迴響。花椰菜屬於十字花科植物,根據許多...
康霈新藥CBL-514橘皮組織二期試驗臨床結果成功達標-財訊快報
新北市2024年4月23日/美通社/--康霈生技(6919-TW)CBL研發中之多適應症First-in-class新藥CBL-514注射劑,繼去年局部減脂脂肪...
食譜/蔬菜打碎更好吸收!「G型炸彈」消除癌細胞抗癌濃湯超級組合-G型炸彈濃湯"
冬天不想喝冷冰冰的精力湯嗎?生機飲食專家王明勇教大家做這道「G型炸彈濃湯」,為有「營養飲食法之父」之稱的美國傅爾曼醫...