「億萬駙馬」伍富橋戴老婆Bra扮大隻美人魚？曾變旗袍美女獲大讚再冧妻 - CCUE.ca

現年29歲的TVB藝人伍富橋自成為「億萬駙馬》後甚少拍劇，反而做回老本行出新歌，之前便於結婚周年推出MV冧妻。伍富橋婚後一度身形暴脹，現時主力打理自己有份投資的健身室，更親自落場教班，因此已操回婚前的健碩體態，未知是否要晒Fit爆成果，他在萬聖節竟然扮成動畫《小魚仙》的美人魚主角Ariel，而其胸前巨型喱士內衣更成網民談論的焦點！

【相關閱讀】：伍富橋拒評舊愛林穎彤脾氣：同我冇關 吳業坤形容屬好同事[1]

【點擊睇伍富橋又扮女人冧老婆】：

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

伍富橋戴上紅色長假髮，上身只戴上一個紫色胸圍遮掩巨胸且大騷麒麟臂，下身則穿上長裙，其大隻美人魚造型相當驚嚇，並發文寫道：「我今日經過石板街，買左（咗）個紅色假髮，返到屋企同老婆講我想做little mermaid 🧜‍♀️ 佢話等佢煮完飯幫我諗諗佢😂😂然後就出現呢一幕🤣」其曾拍過《法言人》的明星愛犬飛雲也看似十分無奈。不少網民都關心到底該胸圍如何得來，伍富橋並未有透露是否借用其身材豐滿的富家女太太梁兆楹（Shirley）內衣，但就有特別寫上「#多謝幕係（後）功臣老婆」，答案似乎呼之欲出，而梁兆楹則指：「冇得救了」！

 

 

【點擊睇伍富橋婚後富貴生活】：

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

雖然梁兆楹似冇眼睇，但其實經常與伍富橋放閃晒恩愛，並不時用不同造型拍照，包括中式旗袍打扮，而伍富橋之前玩變裝App亦曾變成「旗袍美女」，並指老婆好似好鍾意，今次再度扮女人都只為博老婆一笑。而他之前也曾犧牲手臂，讓老婆在其手上紋上可愛公仔紋身，並自嘲似《中華賭俠》的「澤西哥」張家輝。梁兆楹為億萬千金，家族有兩間麻將館，其父從事物流和食品等生意，家住超過5千呎的西貢獨立屋，市值近二億，兩人由2022年2月公開戀情至5月閃婚，伍富橋在結婚一周年時更推出新歌《很多很多份之一》，以跟太太的愛情故事作藍本 ，順道慶祝結婚周年，非常寵妻。

 

References

伍富橋拒評舊愛林穎彤脾氣：同我冇關 吳業坤形容屬好同事 (www.stheadline.com)