馬國女神黃潔琪襲香港上圍負荷重會跑少啲步| on.cc 東網

黃潔琪再度來港。大送心心！黃潔琪會勤做運動，以及控制飲食保持體態美。

馬來西亞女神黃潔琪（Miko）再度襲香港，今日（9日）以首位代言人身份，出席健身中心10周年慶祝活動，並進行簽約儀式。將留港數天的她，未有機會到處遊覽及品嘗地道美食，因為工作排得密麻麻，她說：「都係為健身室拍嘢，又要拍廣告。」擁有魔鬼身材的她，以勤做運動及控制飲食保持體態美，現體重約50kg（110磅）的她因上圍負荷重，所以在運動方式亦要調節，她說：「所以會跑少啲步，多數做負重訓練，打吓羽毛球咁，要Keep住條馬甲線就要食含蛋白質嘅食物。」

她又指在馬來西亞亦會到健身室做運動，有時因衣着清涼而吸引男士狂𥄫，她說：「佢哋唔會睇實我15分鐘咁長時間，係有技巧咁睇，譬如睇我10秒就扮做其他嘢，之後再望，所以我依家會早上6或7時去做運動，避開人群 ，或者約一對一嘅私人教練。」

談及早前擔任尹光演唱會嘉賓，她開心謂很榮幸踏足紅館，自認歌喉麻麻，笑言：「唱歌有高音，低音，我就係走音，呢個係自學，唔使跟老師學，其實我都唔介意唱歌，不過就畀時間我下啲苦功，我依家主力拍戲方面。」

東網網站 : https://on.cc/東網Facebook專頁 : https://www.facebook.com/onccnews/[1][2]

References

https://on.cc/ (on.cc) https://www.facebook.com/onccnews/ (www.facebook.com)