西環美食：【堅尼地城純白落地玻璃Cafe 鄰近海旁！主打素食健康Brunch+吐司班戟】

西環美食2024[1]｜堅尼地城純白落地玻璃Cafe

如果講起西貢出名Cafe一定唔少得「Little Cove Espresso」，其實佢哋係堅尼地城都開咗間分店，與西貢總店一樣保持簡約風格，全純白裝潢，全格仔落地玻璃，採光度十足，出面是一條林蔭大道，鄰近堅離地城新海傍，環境清幽。而食物方面依然以健康全日早餐以及手沖咖啡為主軸，墨爾本混合地中海菜式，非常推介甜品Ricotta hotcake，即係熱情果班戟配馬斯卡彭起司忌廉，班戟口感較軟實，食到濃濃蛋香及牛油香，配埋忌廉食鹹甜交織，放假去呢度放鬆心情都係不錯的選擇！

▲Little Cove Espresso堅尼地城店鄰近堅離地城新海傍，食飽去海邊散步亦是不錯的選擇。而店鋪走簡約純白風，配黑框格仔落地玻璃窗，有時天氣好會拉開窗戶，可以坐窗邊座位，打卡一流！

▲室內環境比西貢店寬敞，每個座位間距寬闊，就算聊天亦十分自在，由於全白裝潢加上落地玻璃窗，明亮感十足。

▲食物方面依然以健康全日早餐、吐司以及手沖咖啡為主，員工們穿上特製T-shirt服裝非常有澳洲風情。

▲非常推介甜品Ricotta hotcake，含百香果、榛果碎、草莓、藍莓、馬斯卡彭起司和鹹焦糖，鹹甜交織。亦有新法式吐司含榛果、馬斯卡彭乾酪、濃縮咖啡和可可，呢兩款是人氣之選！

Little Cove Espresso 堅尼地城店

地址：堅尼地城新海旁3-5號五福大廈地下3號舖
營業時間：7:30am – 6:00pm

圖片來源：@littlecove.espresso[2]、 @chilllifehk[3]文字：香港人遊香港

The post西環美食：【堅尼地城純白落地玻璃Cafe 鄰近海旁！主打素食健康Brunch+吐司班戟】-Little Cove Espresso[4]appeared first on香港人遊香港[5].

References

西環美食2024 (hkppltravel.com) @littlecove.espresso (www.instagram.com) chilllifehk (www.instagram.com) 西環美食：【堅尼地城純白落地玻璃Cafe 鄰近海旁！主打素食健康Brunch+吐司班戟】-Little Cove Espresso (hkppltravel.com) 香港人遊香港 (hkppltravel.com)