直播靈接觸丨75歲顏國樑患癌昏迷遇靈異事險踏鬼門關？太太做一事為夫續命 - 星島日報

梁思浩主持的TVB Plus直播節目《直播靈接觸[1]》逢周一至二播出，今晚一集請近年患鱗狀癌的75歲顏國樑與太太霍潔貞做嘉賓，提到當時顏國樑入院「續命」的經歷，顏國樑更表示當時昏迷期間，有「醫務助理」想帶他走。

相關閱讀：直播靈接觸丨新馬師曾報夢做媒人？ 鄧兆尊三奶被硬銷：佢都唔係我鍾意嘅款[2]

直播靈接觸丨顏國樑太太做甚麼事為夫續命？

 

 

 

 

 

 

 

 

 

 

 

 

 

 

 

 

 

 

 

 

 

 

 

 

顏國樑精神不俗

節目中見顏國樑精神相當不錯，他表示目前身體狀況OK：「做過手術，裏面擺咗支架，會痕，令到我咳，咳嘅時候似怪獸，好嚇人；同埋無電。」梁思浩則表示：「見過咁多次，你今日精神狀態係非常好。」梁思浩指顏國樑當時經曆15日生死邊緣，前藝人太太霍潔貞四出求助，希望找到方法為老公續命，令梁思浩感到非常感動。霍潔貞表示：「當時醫生同我講，隨時會轉差，佢入院已經昏迷要搶救。搶救咗十零分鐘，醫生行出嚟同我講『而家搶救咗，暫時OK，隨時轉差，要送去深切治療部』。」

霍潔貞透露當時顏國樑已經呼吸困難，要吸純氧氣：「每一秒都好用力、好辛苦呼吸，好似隨時會停止咁，心情真係好驚。」梁思浩又大爆顏國樑與太太在化妝間期間的恩愛舉動，顏國樑大讚太太：「靚過你拍戲嗰時。」逗得全場大笑，又讚兩人是患難夫妻。

顏國樑太太獲高人指點

霍潔貞透露顏國樑曾經尋找不同方法為老公續命：「我去咗濟公廟搵廟祝，幫佢祈福。裝香、化寶、誠心求拜，佢（顏國樑）平時抄咗啲《心經》，我拎去化咗佢，總之就係做呢啲。」梁思浩此時說：「唔係一定得㗎……」又透露當時有一個圈中人向霍潔貞透露：「佢過到呢15日就會返嚟，過唔到就無得返，預咗幫佢做身後事。」霍潔貞指當時有朋友跟她說：「會唔會諗下法科方面，我即刻諗起我娛樂圈好朋友，即刻打畀佢，8點幾，問佢有乜可以做，佢叫我第二朝一早去濟公廟裝塔香，呢15日係一個關。」

顏國樑近況如何？

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

顏國樑提到15日的昏迷與半醒之間的幾個片段：「首先我喺ICU係得兩個人，嗰個人喺度行來行去，我喺張床無奈地睇佢行，佢講電話：『我知，玩梗時差吖嘛，而家係下晝5點幾，唔係10點幾，我知，會過去澳門嗰邊做實驗嘛，我明。』」第二個片段則是老友打電話給他，跟他說：「你俾人整蠱啊，俾人玩梗時差，不過醫院知，會補償返畀你。」

顏國樑險被「醫務助理」捉走？

至於第三個的片段，顏國樑則表示較為現實：「到時到候有兩個醫務助理，肥嘟嘟、大媽嗰啲，走埋嚟捉我。我唔畀佢捉，我覺得佢唔係善意，『你好曳啊』，你仲覺得佢係善意？兩個砰砰聲走埋嚟。」顏國樑續指：「當時我郁唔到，俾人綁住咗，佢又捉我唔到，打到隻手啲管甩晒，成床血，畀佢鬧『你好曳啊！你成日郁！』」

雖然顏國樑指當時自己是昏迷與半醒之間，但梁思浩補充指：「喺醫護、太太眼中都係昏迷梗，你見到嘅未必係真實。」梁思浩更說顏國樑要好好多謝太太：「係佢嘅功德，所做嘅一切畀你返嚟，佢只係講咗一句『我唔捨得顏國樑』。我見到你哋咁恩愛，繼續身體健康，有第一次續命，未必有第二次。」

 

其他文章：

74歲顏國樑驚爆再度入院昏迷數天！2年前自揭患癌聲音突變 最新近照曝光更憔悴？[3]

74歲顏國樑抗癌化療一度甩頭髮 北上被捕獲驚變白頭翁精神奕奕[4]

顏國樑患鱗狀癌三期多次走出鬼門關 願做大體老師令生命更有意義[5]

73歲顏國樑治癌住院屢遇不友善對待 洗手被呼喝咳又畀人鬧尊嚴盡失[6]

《星島申訴王》推出全新項目「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰https://bit.ly/3uJ3yyF[7]

想睇更多精彩內容，請立即瀏覽「區區有申訴」活動專頁，https://bit.ly/41hgS9E[8]

緊貼最新最快新聞資訊，請立即下載星島頭條App：https://bit.ly/3Q29Vow[9]

 

References

直播靈接觸 (programme.tvb.com) 直播靈接觸丨新馬師曾報夢做媒人？ 鄧兆尊三奶被硬銷：佢都唔係我鍾意嘅款 (www.stheadline.com) 74歲顏國樑驚爆再度入院昏迷數天！2年前自揭患癌聲音突變 最新近照曝光更憔悴？ (www.stheadline.com) 74歲顏國樑抗癌化療一度甩頭髮 北上被捕獲驚變白頭翁精神奕奕 (www.stheadline.com) 顏國樑患鱗狀癌三期多次走出鬼門關 願做大體老師令生命更有意義 (www.stheadline.com) 73歲顏國樑治癌住院屢遇不友善對待 洗手被呼喝咳又畀人鬧尊嚴盡失 (www.stheadline.com) https://bit.ly/3uJ3yyF (bit.ly) https://bit.ly/41hgS9E (bit.ly) https://bit.ly/3Q29Vow (campaign.stheadline.com)