獨家丨63歲蔡楓華冇女都唔會「食粉絲」:會身敗名裂㗎自揭跟港姐有霧水情曾被肥胖女歌手屈
疫情粉絲去年Ken港姐女歌手蔡楓華身敗名裂霧水 文章 參考資訊
疫情後蔡楓華(Ken)不斷開騷,繼去年10月及今年6月先後舉行4場個唱,本周5及周6再演兩場。他咬牙切齒表示:「我呢個年紀(63歲)仍然敬業樂業,唔使旨意趕絕我!」激動過後,「紅唇王子」開心自爆當年好有市場,曾跟3位港姐亞軍有過霧水情緣,好命嘅話一早有後代,雖然目前單身,強調唔急搵另一半,但又叫記者介紹,又講明「唔會『食粉絲』!」對於被封「乜王」多年,開到口希望大家可憐吓老人家,更不吐不快大爆曾被肥胖女歌手老屈,嬲到今時今日。採訪:方騫平 攝影:朱偉彥 場地:鮨勘@尖沙咀海運大廈
蔡楓華於本周5及周6移師香港文化中心舉行兩場《蔡楓華「永記情深」演唱會》,他強調在文化中心周五及六晚開騷唔容易,但終極目標,希望有生之年再登紅館開個唱,因為11年前,張耀榮只為他開一場唔夠喉。
真係冇作歌畀陳秀珠
Ken期望似刀郎可以憑《羅剎海市》大翻身,透露今次開Show將演繹自家創作的全新情歌。他又解釋第一首作曲嘅經典歌《倩影》,絕對唔係傳聞中為陳秀珠而寫:「嗰時我經已有女朋友,只不過拍廣告時認識陳秀珠,有晚我哋喺九龍城街頭相遇,咁啱有空檔就去咗尖沙咀飲杯咖啡,期間有向佢提及過首歌,可能佢將兩件事加埋咗。佢仲好笑,當時潑我冷水話『唔慌會好聽!』」
問記者有冇女仔介紹
阿Ken澄清多年野史後,再自爆真係有作過情歌畀女藝人,但就不便開名,「佢哋個個住豪宅,有仔有女,有個結(婚)得好好,有個結完又離…」語畢,他又興奮地爆多少少:「我曾經同3位港姐亞軍食過飯,個個靚女嚟搵我,但我冇感覺,自己用情好專一,而且唔鍾意娛圈嘅男女關係,亦自覺好卑微,當時係紅又有乜用?又唔係發哥搵到咁多,冇億億聲,所以同佢哋講:『你哋係屬於有錢人家。』哈!所以我好羨慕李克勤、陳豪咁好嘢,可以娶到港姐冠軍,連靚女都肯下嫁。」阿Ken亦曾「被派帽」,女友一腳踏兩船,他自嘲:「綠帽唔怕戴,最緊要除得快,不怕人負我,只怕我負人,當年我係偶像派,簽婚書會死人,但對方會質疑。當時我同佢(女友)表明『你走還走,留低個仔畀我。』點知佢落咗,仲叫我放低5000蚊畀佢…」
阿Ken聲稱63歲冇人要:「𠵱家都係搵個伴嚟陪我啫,你(記者)有冇好介紹?」另外,他擇偶有原則,一定唔會「食粉絲」:「作為公眾人物要有啲德行,試過喺disco門口有女仔衝上我車,我點敢呀?會身敗名裂㗎。而且Fans視偶像係神級,不吃人間煙火,原來都係會挖鼻屎及大便嘅麻甩佬,自然會嫌棄你。」
唔好再講「乜王」會還手
問阿Ken覺得在樂壇處於咩位置,他稱只係「small potato」:「但我有真正香港人精神,俾人屈、奚落、陷害咗咁多年,我冇EQ仲生存到今時今日?」他不忿說:「你知唔知我承受咗幾多嘢呀?有個身型非常肥胖嘅女人(女歌手),公然話幫過我好多,又唱我攞嚟衰,佢幫過我乜呀?我成世人冇同佢講過5句說話。」對於「乜王」及「一殺那光輝不是永恆」事件,阿Ken仍耿耿於懷:「我真係忍咗好耐,大家可憐吓呢個老人家啦,我都係人嚟嘅,𠵱家我當自己係抗日戰爭,邊個趕絕我就會還手。」
你好,我的大夫蔡楓華 傻蔡楓華結婚前港姐 [no_relate_sql.name;block=a]
春節傳染病流行高峰156家特別門診照常營業|生活-Newtalk新聞
全台有156家醫療院所特別門診春節照常營業。(示意圖) 圖:取自衛生福利部台東醫院疾管署[1]今(9)日表示,流感及COVID-19疫...
接種第三劑疫苗防感染?前台大醫:效果有限保護力撐不到半年!打疫苗為1目的
疫情再起,許多民眾為防止感染開始選擇接種第三劑疫苗!前台大醫院感染科林氏璧表示,打第三劑疫苗目的是「防重症」,防感染...
小孩肥胖死亡率恐增60%!錯誤觀念養成易胖體質!控制飲食攝取量!把握1歲前養成「...
支持小編剪片剪到天亮❤️:http://bit.ly/3DXfVYY#中時新聞網#肥胖#飲控#體質中時新聞網FB粉絲專頁http://bit.ly/2FIAjBe中時...
醫管局:至少兩種癌症藥物有興趣透過「1+」機制在港註冊-Now新聞
「1+」藥物審批機制容許藥廠在有本地專家報告下,由提交兩個藥物監管機構許可減至一個,機制去年11月實行以來有兩款結直腸癌...
反覆胃食道逆流食道癌找上門!醫警醒「4症狀」危險了@ChinaTimes-YouTube
支持小編剪片剪到天亮❤️:http://bit.ly/3DXfVYY#中時新聞網#食道癌#致癌#癌症#胃食道逆流中時新聞網FB粉絲專頁http://bit.l...
抗癌勇士楊嘉驃3月逝世親友已舉行告別禮去年捐80萬予兒童癌病基金|Yahoo
【Yahoo新聞報道】28歲抗癌勇士楊嘉驃(Gabriel),去年決定將80萬港元捐予兒童癌病基金,此舉獲得大眾關注,至今年初他的病...
2021年健康熱搜關鍵字出爐:疫苗、早餐、睡不著都上榜!「不老男神養生」爆紅
2021年你有跟上網路風向嗎?今年台灣歷經三級警戒的衝擊,大家最深刻的就是「新冠疫情」,除此之外,你知道大家都在追哪些健...