妹頭拍《臥底3.0》發福近照瘦到被以為P圖獨家公開減肥絕招
盧頌恩(妹頭)、李尚正(阿正)主持的《臥底旅行團》系列,是HOY TV王牌節目之一,近日妹頭宣布跟公司續約,表示:「最近係咁動筆簽野 包括 @hk.hoy 呢份重磅咗嘅合約🙂」雖然合約重磅,但妹頭就減咗磅,不少網民都留言讚她變瘦了,好奇是否P了圖,更向她請教減肥方法。而她接受《01娛樂》訪問時,就分享了自己在三個月內減兩個碼的方法,以及無端端決定減肥的原因。
妹頭不止一次說自己已不是「幕前樣」,加上想多花心機打理自己的按摩店和美容院生意,留多點時間返去睇舖,她原本確實想過轉行。《臥底旅行團3.0》播出時,觀眾都留意到她比以前發福,連拍檔阿正都經常開她玩笑,例如浸溫泉時,都笑她:「我以為你咁重一定會沉㖭。」
阿正都試過在節目中取笑妹頭肥。(HOY TV)當時妹頭的身型確實有肉,尤其是拍埋阿正度。(HOY TV)對比以前做模特兒時期瘦到成碌竹的照片,妹頭當然「脹」了不少,她向《01娛樂》解釋,拍《臥底3.0》時狀態確實差,因為當時正值按摩店開分店,有千萬樣事要忙,大小事務都一腳踢,「冇時間Take care自己身體狀況,夜晚有壓力就食宵夜,完全唔會諗瘦唔瘦、肥唔肥,但係喺嗰個最爆嘅狀態,就收到公司話拍《臥底3.0》。之前一直都冇收到通知話拍唔拍,但係佢突然間又話開喎,我都唔會減得切,同埋唔會有心機減,有壓力可能食嘢再食得多啲。」
妹頭仍是模特兒的時代,出過首叫《下午茶》的歌,當時身型同現時分別頗大。(MV@下午茶)拍節目去旅行團密密食,想唔肥都難。(HOY TV)早前妹頭和阿正拍《臥底服務團》被網民偶遇,當時她仍然面圓圓,但食得好開心。(小紅書圖片)不過,雖然妹頭圓潤了,但一向對藝人變肥都態度苛刻的網民,卻認為肥嘟嘟的她比以前更可愛、更有觀眾緣,叫她不用減肥。妹頭坦言覺得好意外,或許觀眾支持自己都不是因為體型,而是睇她與阿正互動、四圍去玩,幸好觀眾反應正面,她才不至於太大壓力或有體型焦慮。不過,她又說:「嗰刻都覺得如果自己咁嘅狀態,算啦,唔玩喇,嗰刻已經唔係幕前樣,的而且確真係唔係,但係我好Surprised觀眾接受我呢個非幕前樣,仲要好似大家叫我唔好減㖭。」
雖然網民冇叫妹頭減肥,更指她愈肥愈紅,但她也不時自嘲已不再是「幕前樣」。(HOY TV)觀眾認為妹頭肥嘟嘟仲可愛。(HOY TV)網民對於妹頭的身型變化,居然反應正面,證明她確實觀眾緣佳。(fb@HOY TV)而她日前貼出的簽約相,雖然著白色衫本身會顯肥,但網民都留言說她清減了,更問是不是P過圖。她笑說:「原相到不得了囉,經理人影㗎,我而家我諗瘦咗兩個碼,但係我又未有節目拍,所以啲人唔知道我瘦咗。」講到瘦了多少,妹頭就冇特地去磅重,只能以碼數去計,「我真係冇磅,完全冇磅,但係如果用碼數嚟講,可能由加大碼變返中碼,我目標係去返細碼。」她其後修正,減肥前未誇張到去加大碼,但都算大碼,慶幸拍《臥底3.0》時,仍能著返《臥底2.0》的紅色泳衣,自己都意想不到,笑言:「浸得太多溫泉,我冇晒衫,監粗搵返以前套泳衣著返,佢話你竟然着得落,因為件泳衣有彈性呀嘛。」
《臥底旅行團3.0》中,妹頭著泳衣引起頗大迴響,節目阿正叫妹頭收埋肚腩,妹頭就笑問:「可唔可以畀個咕𠱸我?」好搞笑。(HOY TV)對比《臥底旅行團2.0》的泳衣相,妹頭當時確實瘦好多,不過她說好彩泳衣有彈性,所以肥了都著得落。(《臥底旅行團2.0》)妹頭近日的簽約相,瘦到被網民以為P圖,她強調:「原相到不得了!」雖然妹頭本身冇身型焦慮,覺得肥都可以有觀眾緣,但最終還是為了健康著想,決定要開始減肥,她說:「我覺得係內臟脂肪,同埋個人攰咗,所以我先想減肥。(健康有冇咩狀況?)其實暫時未有,但係阿正成日嚇我,話呢啲嘢唔係即時,例如糖尿病或者乜乜乜,唔係呢一年就會有,係五年後、六年後有,我聽到好驚,嗰陣自己內臟脂肪已經喺臨界線超標,我唔想自己身體有問題就減落嚟。」
妹頭的最新近照,體型明顯已比《臥底3.0》時瘦了成個碼!(受訪者提供)至於最多人關心的減肥方法,她在IG都略略分享過,主要是戒糖、戒澱粉和做運動,另外亦有去美容院做美容機和小顏術瘦面。她在訪問中進一步透露,主要都是運動和飲食:「拍《臥底服務團》嗰陣,入面有個大隻仔Harrison,佢教咗我生酮飲食,唔食糖唔食澱粉質,我只係做呢樣嘢,冇食糖、冇食澱粉質三個月, Restart返嗰個狀態,瘦返。」很多人好奇,如果拍攝要食嘢又怎辦,妹頭說會照食,但鏡頭後就不會食甜食,她自言本身極鍾意食甜品,所以初時都辛苦,「鍾意到爆!我諗冇人比我更鍾意食甜品!但係係以前,戒咗就發現係一個習慣、係個癮嚟,兩星期左右竟然對甜品冇咁衝動,所以我都好感激生酮專家,而家講嘢同諗嘢都敏捷咗少少。」
原來是大隻仔Harrison教妹頭生酮飲食法。(HOY TV)妹頭好鍾意食甜品,表示:「我諗冇人比我更鍾意食甜品!」所以戒甜是她減肥的一大阻礙,但試完兩星期之後,她發覺沒想像中難。(Instagram:aiyanalo)運動方面,她補充:「最近做埋運動,做啲好激烈嘅CrossFit,14分鐘入面係咁做,唔好停,但係已經爆曬汗、燒晒脂,同埋係咁爆汗。舉啞鈴唔准停,一星期做一至兩次,咁已經可以瘦啲。」她透露自己出去搵教練上小組班,每人都只是百幾蚊一堂,軍訓式操練。有趣的是,記者WhatsApp妹頭的那刻,她正正就在做運動,好勤力呀!
妹頭原來靠做CrossFit減肥。(Instagram:aiyanalo)妹頭說:「放棄響鈴,轉玩壺鈴同啞鈴。」(Instagram:aiyanalo)妹頭瘦到肚腩仔都冇埋啦!(Instagram:aiyanalo)健康養生 黑色素瘤 變化醫藥衛生 中醫養生 中醫 乾癬 牛皮癬 補品 桃園振元中醫 良醫 缺一不可醫美減重 抗過敏 保養品
英王查理斯宣布患癌後「復工」晤首相謝各界祝福
英國白金漢宮2月5日宣布,現年75歲的英王查理斯三世(KingCharlesIII)患癌。他恢復履行公職後,21日與首相辛偉誠(RishiSun...
美疾控中心針對人感染高致病性禽流感發布健康警報-國際-香港文匯網
美國疾病控制和預防中心當地時間4月5日在其「健康警報網絡」發布消息,介紹了有關美國近日報告的人感染高致病性禽流感病毒病...
史無前例大裁員!中國車企大瘦身光理想就恐上萬這些公司也跟進.....-Newtalk新聞
中國汽車公司-理想汽車傳出裁員5600人,引起內部員工恐慌。 圖:翻攝自理想汽車官網近期,中國[1]汽車公司掀起裁員[2]潮,...
62歲黃秋生膽固醇過高遭醫生警告「1年後會死」成功減10磅分享一日餐單-香港經濟日報
▲62歲黃秋生膽固醇過高,遭醫生警告「1年後會死」,成功減10磅分享一日餐單。【黃秋生/減肥/瘦身/減10磅/餐單/雜菜湯/膽固醇...
[10分鐘故事]潔癖的人-張不通(@yuantong13)-Matters
極短篇小說,收錄在《即使有點晚了還是拖拖拉拉不想睡覺》。施人傑天生就話不有桌椅,有床鋪,可以睡覺,但他不睡。可隨意出...
一元宇宙等3家公司上午11:08異動-ETNetMobile
中風|15歲女生疑腦中風!陸運會期間頭暈作嘔陷昏迷!醫生︰說話有困難是腦中風警號.18/01/202411:09.《中資異動》一元宇宙...