J2患癌主持再現幕前！身形消瘦依然活躍食嗎啡試忍痛試鏡扮正常 - 星島日報

J2節目《不正常愛情研究所》主持文頌男（文頌男）去年12月自揭患罕見的尤文氏肉瘤（Ewing’s Sarcoma），需要停工休養，更一度發起眾籌，情況令人憂心。雖然文頌男前日才透露本周將最後一次化療，但原來文頌男近日已經復工，將於明晚播出的《不正常愛情研究所》亮相。

相關閱讀：J2患癌主持文頌男自揭變「無眉男」 本周最後一次化療精神轉差：感覺就嚟死[1]

 

癌患主持文頌男再現幕前？

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

早前文頌男被確診患癌，需要休息並接受化療，前日文頌男更自揭變「無眉男」，又坦言：「越嚟越差啦，尤其是每次做完化療之後，個人都瘦咗好多，不停逼自己飲啲營養，要好有意志力堅持先得。」意志力強大的文頌男經過一段時間休養，文頌男終於重現熒幕，繼續為《不正常愛情研究所》擔任主持。節目中，文頌男帶上cap帽，雖然身形較消瘦，但看來頗精神，看來復原得不錯，而且他的投入及活躍度依然，當嘉賓Busker阿紀談到如何應付熱情的fans時，文頌男亦即場扮演痴情小fans，投入度百份百，搞到阿紀不知所措。

文頌男亦於IG轉發相關報道：「拍到眼濕濕，希望有機會再喺電視同大家見面。」並撰文表示自己並非復工：「大家誤會喇！唔算係復工，嚟緊會播出嗰兩集《不正常愛情研究所》，有我份係1月嘅時候拍㗎喇，喺我狀態好啲嘅時候返咗去開一日廠。」文頌男又補充指早前食嗎啡忍痛試鏡：「如果有留意《HOME即是識》嘅話，都會見到有一集有少少我嘅片段，本身我係會去拍攝，拍攝試鏡嗰日，其實我都係跛住咁、食住嗎啡忍痛去拍，我驚佢唔畀我去拍，我仲特登扮正常啲，唔畀啲PA睇得出我係跛。結果到正式拍攝嗰日前幾日就做完化療，真係好搞唔掂、好唔舒服最後先去唔到拍攝。」

 

文頌男患癌過程：

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Busker一腳踏三船

另外，嘉賓阿紀在節目中透露busking界醜聞，直指Busker媾fans的現象非常普遍：「busker同fans互相 follow，一定係有好感，要媾真係好易，band房經常變炮房。」主持金永衡（Kim）亦是busker出身，他笑言認識一位一腳踏三船的busker，有趟街頭表演出事︰「通常唱完歌，啲女朋友都會行埋去，讚男朋友唱得好好聽。」當時三個女仔一如既往，同時走近男友，各自爆出一句「BB」，令該名busker當場斷正。

男團成員一招避狗仔

主持麥惠琪（Susuca）亦對音樂人沒有好感，她直言曾有多位從事音樂工作的追求者，大都很自我且多愁善感：「試過有位追求者朝朝彈結他畀我聽當morning call，又要我去佢嘅音樂會。個人已經好攰，去到仲要同啲妹妹迫。」節目中她爆出一單發生在朋友身上的食fans事件，當中涉及一隊男子組合的成員：「朋友喺朋友圈講，話同某歌手約會學唱歌。問起原因係對方DM讚我朋友cute。」友人又透露每趟都是上男方家，避開狗仔隊追蹤。

麥惠琪補充說︰「之後佢每次約會都會分享，有次仲好開心話已經同對方一齊，仲叫咗男朋友公開。」接住的套路都好易估，男方以影響事業為由拖延，最後不了了之。麥惠琪表示事後發現有多名女仔，都收過同一人同樣DM，證明該歌手是識途老馬。事件吸引各主持好奇追問，麥惠琪只提供貼士表示︰「實力派，可能佢真係教人唱歌，佢唱歌咁勁。」

 

其他文章：

J2患癌主持文頌男醫院過年三十 手指發黑化療後恐要切神經？[2]

J2文頌男自揭坎坷命運被父親拋棄變街童 患罕見癌症心酸哭訴：好慘丨獨家[3]

J2主持文頌男患癌丨直擊疑似瞓走廊3日化療過程 苦呻副作用極難頂：仲有五次[4]

《星島申訴王》已推出全新項目「區區有申訴」，並增設「我要讚佢」欄目，現誠邀市民投稿讚揚身邊好人好事，共建更有愛社區。立即「我要讚佢」︰ https://bit.ly/3uJ3yyF[5]

想睇更多精彩內容，請立即瀏覽「區區有申訴」活動專頁，https://bit.ly/41hgS9E[6]

References

J2患癌主持文頌男自揭變「無眉男」 本周最後一次化療精神轉差：感覺就嚟死 (www.stheadline.com) J2患癌主持文頌男醫院過年三十 手指發黑化療後恐要切神經？ (www.stheadline.com) J2文頌男自揭坎坷命運被父親拋棄變街童 患罕見癌症心酸哭訴：好慘丨獨家 (www.stheadline.com) J2主持文頌男患癌丨直擊疑似瞓走廊3日化療過程 苦呻副作用極難頂：仲有五次 (www.stheadline.com) https://bit.ly/3uJ3yyF (bit.ly) https://bit.ly/41hgS9E (bit.ly)